الشروط والأحكام

سَكَن منصة تعارف بغرض الزواج فقط. الدخول ليها بالتزكية من عضو موجود، وكل حساب بيتراجع يدويًا من الإدارة قبل التفعيل. المنصة مش موقع مواعدة أو تعارف لأي غرض تاني.

• أي حد عنده 18 سنة أو أكتر، وجاد في الجواز.
• لازم يكون معاك كود تزكية من عضو مفعّل، أو من الإدارة.
• حساب واحد بس لكل شخص، وبيانات حقيقية مطابقة لبطاقتك.
• البنت بتسجّل بيانات ولي أمرها الحقيقية، وده شرط أساسي.

لما بتزكّي حد بكودك، انت بتشهد إنك تعرفه وإنه جاد ومحترم. لو الحساب ده اتوقف بسبب مخالفة، هيوصلك إشعار، والإدارة ليها الحق تراجع أكواد التزكية بتاعتك أو توقفها.

الإدارة بتراجع البطاقة والصورة والبيانات، وليها الحق توافق أو ترفض أي طلب من غير ما تكون ملزمة توضّح كل الأسباب. لو اترفضت، تقدر تعدّل بياناتك وتقدّم تاني.

• بنرشّح لحد 3 ترشيحات في الأسبوع حسب تفضيلاتك وشروطك الأساسية. نسبة التوافق تقديرية ومش ضمان لأي حاجة.
• في الأول بيظهر كود بدل الاسم، والصورة متغبشة.
• لو الطرفين قالوا «مهتم»، الصور الأصلية بتظهر.
• لو الطرفين وافقوا تاني، بيانات التواصل بتظهر: الشاب بيشوف بيانات ولي أمر البنت، والبنت بتشوف اسم الشاب ورقمه.

• أي تعامل بغرض غير الزواج.
• بيانات أو صور مزيفة، أو انتحال شخصية حد تاني.
• أي كلام أو تصرف غير لائق، أو تحرش، أو ضغط على الطرف التاني.
• طلب فلوس أو هدايا أو أي شكل من أشكال الاحتيال.
• التواصل مع البنت مباشرة بعيدًا عن ولي أمرها.
• نشر بيانات أو صور أي عضو برة المنصة، أو تصويرها أو الاحتفاظ بيها.
• التسجيل وانت متجوز بغرض الإخفاء أو الخداع.

أي مخالفة ممكن توصّل لإيقاف الحساب نهائيًا من غير إنذار، وإبلاغ العضو اللي زكّاك، وفي الحالات الخطيرة إبلاغ الجهات المختصة.

في أي ترشيح تقدر تدوس «إبلاغ أو حظر». الحظر بيقفل الترشيح فورًا، والطرف التاني مش هيظهرلك تاني. البلاغات بتتراجع من الإدارة.

• التسجيل للبنات مجاني.
• الشباب بيشتركوا في باقة. مدة الاشتراك بتبدأ من يوم تفعيل الحساب مش يوم الاشتراك.
• في فترة الإطلاق الحالية الاشتراك مجاني لأول الأعضاء. لما الباقات المدفوعة تبدأ، الأسعار هتبقى واضحة قبل أي دفع.
• لو الحساب اتوقف بسبب مخالفة، مفيش استرداد لأي مبلغ مدفوع.

إحنا بنعمل مراجعة يدوية عشان نقلّل المخاطر، لكن مانقدرش نضمن صدق كل اللي بيقوله أي عضو، ولا نتيجة أي تعارف. ننصحك تسأل وتتأكد بنفسك، وتخلي الأهل موجودين من أول خطوة، وماتدفعش فلوس لأي حد. المنصة وسيلة تعارف بس، والقرار والمسؤولية عليك وعلى أهلك.

تقدر تطلب حذف حسابك في أي وقت عن طريق الإيميل اللي تحت. وإحنا من حقنا نوقف أي حساب يخالف الشروط دي.

ممكن نعدّل الشروط دي. لو فيه تعديل مهم هنبلّغك، واستمرارك في استخدام المنصة بعدها معناه موافقتك عليها.

الشروط دي بتخضع لقوانين جمهورية مصر العربية. لأي سؤال أو شكوى: support@sakan-zawaj.com

شوف كمان سياسة الخصوصية.